...

"வாழ்க வளமுடன்"

09 மார்ச், 2010

அல்சருக்கான மூலிகை சிகிச்சை

தற்போதுள்ள பரபரப்பான இயந்திரத்தனமான வாழ்க்கைச் சூழலில் நம்மில் பலரையும் தாக்கி வருவது இந்த வயிற்றுப்புண், குடல்புண் தான். இதை நாகரிகமாக தற்போது அல்சர் என்று சர்வசாதாரணமாக கூறுகிறோம்.
இது சாதாரண விஷயம் கிடையாது. "இந்த அல்சர் அதிகமானதால் குடலில் ஓட்டை விழுந்து ரத்தக்கசிவுக் கூட ஏற்பட வாய்ப்புள்ளது" என்று மருத்துவர்கள் கூறுகிறார்கள்.
*
நம் உடல் நிலையும் மன நிலையும் சீராக அமைய வேண்டுமென்றால் உணவு மிக மிக அவசியம். இந்த உணவு நன்றாக செரித்து கழிவுபொருள் நீங்கி மீதமுள்ள சத்துப் பொருட்கள் தான் நம் ரத்தத்தில் கலந்து உடலின் ஒவ்வொரு திசுவுக்கும் சென்றடைகிறது. வயிற்றில் சுரக்கும் ஹைட்ரோ குளாரிக் அமிலம் மற்றும் பெப்சின் என்ற திரவம் உணவு செரித்தலுக்கு முக்கிய பங்கு வகிக்கிறது.
*
அல்சர் ஏற்படக் காரணங்கள் மற்றும் வராமல் தடுப்பது, வந்தால் மூலிகை மருத்துவத்தில் எப்படி சிகிச்சை பெறலாம் என்பது பற்றி மூலிகை மருத்துவர் எம்.சபாபதி இதோ ஆலோசனைகளை கூறுகிறார்.வயிற்றுப் புண், குடல் புண் குணமாக கடைபிடிக்க வேண்டிய உணவு முறைகள் பற்றியும் அறிந்து கொள்ளுங்கள்.
***
அல்சர் ஏற்பட காரணங்கள்:
*
உணவு பாதையில் உள்ள உணவு குழாய், இரைப்பை, சிறுகுடல், பெருங்குடல் போன்றவற்றில் ஏற்படும் திசுக்கள் சிதைவு மற்றும் பாதிப்பே குடல்புண் எனப்படும். அதாவது வயிறு மற்றும் குடல்களின் சுவர்களில் ஏற்படும் புண் என்றும் கூறலாம். இது நமது உணவு மண்டல உறுப்புகளின் மீது அமைந்திருக்கும் மியூக்கஸ் மெம்ப்ரேன் என்ற மென்மையான சவ்வை அழித்து விடுகிறது.
***
இதற்கான காரணங்கள்:
*
1. மன அழுத்தம் (எந்த வகையில் ஏற்பட்டாலும் சரி).
*
2 தவறான உணவு பழக்கவழக்கங்கள் (தாமதமாக சாப்பிடுதல், செய்கை குளிர்பானம், துரித உணவு, பதப்படுத்தப்பட்ட உணவு)
*
3. மதுவகைகள், புகைப்பிடித்தல், வெற்றிலைபாக்கு, புகையிலை
*
4. ஆங்கில மருந்துகளை அடிக்கடி சாப்பிடுவது
*
5. ஐஸ்கிரீம், சாக்லேட், அதிகமாக பால் மற்றும் தயிர், மோர் சாப்பிடுவது.
*
6. புளிப்பு தன்மையுள்ள பழங்களை அதிகளவில் சாப்பிடுவது(திராட்சை, கமலா, ஆரஞ்சு, சாத்துக்குடி, எலும்பிச்சை, பப்பாளி, ஊறுகாய், அன்னாசி)

இவைகளை தவிர்த்தாலே போதும் அல்சர் நம்மை நெருங்காது. உடம்பில் ரத்தத்தில் ஹைட்ரஜன் அயணிகளின் அளவு 7க்கும் கீழே குறைந்தால் உடம்பு புளிப்பு தன்மையடையும். அதிகபடியான புளிப்பு மலம், சிறுநீர் வழியாக வெளியேறி விடும். இரைப்பையிலும் நிறைய சேர்ந்து விடும். புளிப்புத்தன்மை இரைப்பையில் அதிகமானால் அதன் உட்சுவரில் அரிப்பு ஏற்பட்டு புண் உண்டாகி விடும். நாளாக நாளாக வயிறு எரிச்சல், குடல் ஓட்டை விழுந்து ரத்தக்கசிவு ஏற்படவும் வாய்ப்புள்ளது.
***
அல்சர் ஏற்பட்டதற்கான அறிகுறிகள்:
*
இரைப்பை பகுதியில் வலி, சாப்பிடும் முன்போ, பின்போ அல்லது சாப்பிடும் போதோ வலி ஏற்படுவது, புளிச்ச ஏப்பம், நெஞ்சுக்குள் வலி ஆகியவற்றை கூறலாம்.
*
அல்சருக்கான மூலிகை சிகிச்சை:
*
மூலிகைகளிலிருந்து தயாரிக்கப்படும் மருந்துகளை வைத்தே அல்சரை எளிதில் குணப்படுத்தலாம். ஒவ்வொரு மூலிகையிலும் ஒவ்வொரு மருத்துவ குணம் உள்ளது.
*
அல்சரை குணப்படுத்த வேப்பிலை, குப்பை மேனி, வெந்தியம், அருகம்புல், கடுக்காய், அத்தியிலை, நெல்லி, கற்றாழை, கோஸ், மிளகு, சுக்கு, புதினா, கொத்தமல்லி, நன்னாரி மற்றும் மணத்தக்காளி, சுண்டைக்காய், பெருங்காயம், மஞ்சள், வசம்பு, சீரகம், வாழைத் தண்டு, மாதுளை, அகத்திக்கீரை முதலியவைகள் பயன்படுகின்றன.
*
இவைகளை சேகரித்து கேப்சூலாகவோ, பவுடராகவோ தயாரித்து சாப்பிடலாம். சராசரியாக ஒரு நாளைக்கு இரண்டு டீஸ்பூன் அளவு இந்த பவுடரை எடுத்து தண்ணீரில் கலந்து இரண்டு முறை சாப்பிட்டாலே போதும். எவ்வளவு நாள்பட்ட குடல் புண்ணாக இருந்தாலும் 4 மாதங்களில் பறந்து விடும்.
*
இதற்கென உள்ள முறைகளையும் தவறாமல் கடைபிடிக்க வேண்டும். எந்த மருத்துவ முறையை பின்பற்றுகிறோமோ அதே முறைகள் உள்ள மருத்துவரிடம் தகுந்த ஆலோசனை பெற்று சிகிச்சையை தொடர்ந்தால் எந்த நோயாக இருந்தாலும் குணமாகி விடும். மூலிகை மருத்துவம் குறித்த விபரங்களை சென்னை புரசைவாக்கம் நெடுஞ்சாலையில் உள்ள தெய்வீக மூலிகை மருத்துவ ஆலோசனை மையத்தில் பெற்றுக் கொள்ளலாம்.
*
வயிற்றுப் புண், குடல் புண் குணமாக கடைபிடிக்க வேண்டிய உணவு முறைகள் பற்றியும் அறிந்து கொள்ளுங்கள்.
***
நன்றி வெதுப்புனியா.
***

தயிரின் (Yoghurt ) மருத்துவ குணங்கள்

தயிரை ஆங்கிலத்தில் Yoghurt அல்லது (Yogurt) என்று அழைக்கப் படுகிறது. நாம் அன்றாடம் நம் இல்லத்தில் பயன்படும் உணவு பண்டங்களின் இதுவும் ஒன்று.

தயிர் பற்றியும் அதன் பயன்கள் பற்றியும் இனி அறிவோம்:

***

நாம் ( நம் முன்னோர்கள் ) கிட்ட தட்ட 4,500 ஆண்டுகளாக, மக்கள் தயிரை தயாரித்தும்-- மற்றும் உண்டும்-- வந்திருக்கின்றனர். இன்று அது அனைத்து உலகிலும் ஒரு பொதுவான உணவாக ஆகிவிட்டது. அது ஒரு ஊட்டச் சத்துமிகுந்த மற்றும் தனிப்பட்ட உடல்நலத்தை பேணும் ஆதாயங்கள் கொண்டவை.


*

மிகவும் முந்தைய பழமையான காலங்களில் தயிரானது தானே இயங்குகின்ற வகையில் லாக்டோபசில்லுஸ் தேல்ப்றுஎச்கஈ சுப்ச்ப். புல்கரிகஸ் (Lactobacillus delbrueckii subsp. bulgaricus) என்ற வகையை சார்ந்த காட்டுத்தனமான நுண்ணுயிரிகளால் நொதிக்கப்பட்டிருக்கலாம்.


*

தயிரின் பயன்பாட்டைப்பற்றி துருக்கியர்கள் திவான் லூகட் அல்-துர்க் (Diwan Lughat al-Turk) என்ற பெயரில் மஹ்முத் கஷ்கரி (Mahmud Kashgari) மற்றும் குடட்கு பிளிக் (Kutadgu Bilig) என்ற பெயரில் யூசுப் ஹாஸ் ஹஜிப் (Yusuf Has Hajib) போன்றோர் பதிவுசெய்த புத்தகங்களில் இருந்து தெரிந்து கொள்ளலாம், இவை பதினோராம் நூற்றாண்டில் எழுதப்பெற்றவையாகும்.


*


இந்த இரு புத்தகங்களிலும், "yoghurt" (தயிர்) என்ற சொல் வெவ்வேறு இடங்களில் காணப்படுகின்றன மேலும் அதை எப்படி நாடோடிகளான துருக்கியர்கள் பயன்படுத்தினார்கள் என்பது விவரிக்கப்பட்டுள்ளது. முதல் முறையாக ஐரோப்பியர்கள் தயிரை எதிர்கொண்டது பற்றி பிரெஞ்சு மருத்துவ வரலாற்றில் இருந்து உள்ளது.


*


முதலாம் பிரான்சிஸ் (Francis I) மிகவும் கடுமையான வயிற்றுப்போக்கினால் அவதியுற்றார் மேலும் அதனை ஒரு பிரெஞ்சு மருத்துவராலும் குணப்படுத்த இயலவில்லை. அவருடைய நட்பு நாட்டுத்தோழன் சிறப்பு வாய்ந்த‌ மிகச்சிறந்த‌ சுலைமான் (Suleiman the Magnificent) ஒரு மருத்துவரை அனுப்பினார், மேலும் அவர் நோயாளியை தயிர் கொடுத்து குணப்படுத்தினார். நன்றிக்கடனாக, பிரெஞ்சு அரசர் தன்னை குணப்படுத்திய உணவைப்பற்றிய தகவலை சுற்றிலுமிருந்த அனைவருடனும் பகிர்ந்து கொண்டார்.



*

1900 ஆண்டுகள் வரை, தயிர் ஒரு முக்கிய உணவாக தெற்கு ஆசிய, மத்திய ஆசிய, மேற்கு ஆசிய, தென் கிழக்கு ஐரோப்பிய மற்றும் மத்திய ஐரோப்பிய நாடுகளில் திகழ்ந்தது. ரஷ்ய நாட்டு உயிரியல் வல்லுநர் ஆன இல்யா இல்யிச் மேச்னிகோவ், (Ilya Ilyich Mechnikov) அவர் பாஸ்ச்சர் இன்ஸ்டியூட், (Institut Pasteur in Paris) பாரிஸில் பணி புரிந்தவர், நிரூபிக்கப்படாத ஒரு கருதுகோள் கொண்டிருந்தார், அதாவது பல்கேரிய நாட்டு குடியானவர்கள் நீண்ட ஆயுளுக்கு வாழ்ந்ததன் காரணம் அவர்கள் எப்பொழுதும் உணவில் உட்கொண்ட தயிரின் காரணமே. லக்டோபசில்லுஸ் எனப்படும் நுண்ணுயிரிகள் உடல் நலனுக்கு மிகவும் தேவையாகும் என்று நம்பிக்கை கொண்ட மேச்னிகோவ், அனைத்து ஐரோப்பாவிலும் உணவில் தயிரை சேர்த்துகொள்ள மிகவும் பாடுபட்டார்.


*



ஒரு செப்ஹர்டிக் யூததொழில்முனைவோர் ஆன ஐஸாக் கரச்சோ (Isaac Carasso) தயிர் தயாரிப்பினை தொழில்மயமாக்கினார். 1919 ஆம் ஆண்டில், கரச்சோ, அவர் ஓட்டோமான் (Ottoman) சலோநிகாவை (Salonika) சார்ந்தவர், ஒருசிறிய தயிர் வணிகத்தை பார்சிலோனாவில் (Barcelona ) தொடங்கினார் மேலும் அந்த தொழிலை டானோன் (Danone) ("சிறிய டேனியல்" ("little Daniel")) என்று அவர் மகனுடைய பெயரில் அழைத்தார். பிறகு இந்த அடையாளம் அமெரிக்காவில் அமெரிக்க பதிப்பு கொண்ட பெயரில் விரிவாக்கப்பட்டது: டான்னன் (Dannon) .


*


இந்தியாவில், தயிரை வர்த்தக்கரீதியில் "கர்ட் (curd)" என்ற பெயரிலோ, அல்லது மேலும் பொதுவான உள்ளூர் பெயர்களான "தஹி (dhahi)"(ஹிந்தியில்), பெருகு (Perugu) (தெலுங்கில்), தயிர் (thayir)(தமிழில்), மொசறு (Mosaru) (கன்னடத்தில்அறியப்படுகிறது. "யோக்ஹுர்ட்" (Yoghurt) என்ற பெயர் இந்தியாவில் வழங்கப்படாதது, மேற்குநாடுகளுடன் தொடர்புகொண்டவர்களுக்கு மட்டுமே அதுபற்றி தெரியும். ஹிந்து சடங்குகளில் அடிக்கடி தயாரிக்கப்படும் பஞ்சாமிருதத்தின் (Panchamrita) ஐந்து அமுதங்களில் தஹி ஒன்றாகும். இந்தியாவின் பல பாகங்களில், உணவு தஹி சேர்ப்பதனுடன் முடிவடையும். பழங்காலம் தொட்டே, தயிரானது ஜீரணம் மற்றும் அமில எதிர்விளைவுகளில் இருந்து நிவாரணம் பெற நல்ல பயனுள்ள பொருளாகும் என்று நம்பப்பட்டது. பல குடியிருப்புகளில் அவரவர்களே வீட்டில் "தயிரை" செய்து அதனை உட்கொள்வார்கள்.



*

பால் அல்லது பால் பண்ணை குறித்த உற்பத்திப்பொருள் (dairy product) ஆகும், பாலில் நுண்ணுயிர்கள் நொதித்தல் காரணமாக கிடைக்கும் பொருளாகும். லேக்டோசினை (lactose) நொதிக்கும்போது லாக்ட்டிக் அமிலம் கிடைக்கப்பெறுகிறது, அது பாலின் புரதத்துடன் செயல்புரியும் போது தயிருக்கு அதனுடைய இழை நய அமைப்பு (texture) மற்றும் அதன் சிறப்பியல்புகொண்ட புளித்த ருசியைப் பெறுகிறது. சோயா தயிரானது, பால்பண்ணை அல்லாத பதிலீடு, சோயா பாலில் (soy milk) இருந்து தயாரிக்கப்படுகிறது.

***

100 கிராமில் உள்ள ஊட்டச் சத்து:

ஆற்றல் 60 kcal 260 kJ
மாவுப்பொருள்கள் 4.7 g
- இனியம் 4.7 g (*)
கொழுமியம் 3.3 g
- நிறை 2.1 g
- நிறைவுறா ஒற்றைக்கொழுப்பியம் 0.9 g
புரதம் 3.5 g
ரைபோஃவிளேவின் (உயிர். B2) 0.14 mg 9%
கால்சியம் 121 mg 12%


*



தயிர் என்ற அருமருந்து :

*

1. தயிரானது புரதங்கள், கால்சியம், ரிபோப்லாவின், வைட்டமின்B6 மற்றும் விட்டாமின் B12 போன்ற ஊட்டச்சத்துகள் நிறைந்தது ஆகும்.

*
2. பாலைவிட அதிகமான ஊட்டச்சத்து ஆதாயங்கள் அதிலிருந்து கிடைக்கும். மிதமான லாக்டோஸ்-சகிப்புத்தன்மை இல்லாத மக்கள் தயிரை பாதகமில்லாமல் உட்கொள்ளலாம், ஏன் என்றால் பாலில் காணப்படும் லேக்டோசு என்ற முன்பொருள் பண்பாட்டுவளர்ப்பு காரணமாக லாக்டிக் அமிலமாக மாறிவிடுவதே. லேக்டோசிலுள்ள ஆக்சிஜன் ஒடுக்கபடுவதால், பாதிக்கப்பட்ட ஒருவரின் பாலில் காணப்படும் சர்க்கரையை அவர்களாகவே பதப்படுத்த வேண்டிய தேவை தவிர்க்கப்பட்டு விடுகிறது.



*

3. தயிருக்கு மருத்துவ பயன்பாடுகளும் உண்டு, குறிப்பாக பல வகைப்பட்ட இரையக குடலிய நிலைமைகளுக்கு, மற்றும் நோய்க்கிருமி கட்டுப்படுத்தி-சேர்க்கை கொண்ட வயிற்றுப்போக்கினை தடுக்கும் ஆற்றலும் கொண்டதாகும்.


*

4. தயிர் பயன்பாட்டினால் ஈறுகளின் நலன் மேம்படுகிறது, ஏனென்றால் அதில் அடங்கிய லாக்டிக் அமிலங்களின் ப்ரோபையோடிக் எப்பெக்ட் (probiotic effect) காரணமாகும்.


*

5. இன்டர்நேஷனல் ஜெர்னல் ஒப் ஒபெசிட்டி (International Journal of Obesity) (11 ஜனவரி 2005) என்ற சஞ்சிகையில் வெளிவந்த ஒரு ஆய்வறிக்கையின் படி, குறைந்த கொழுப்புச்சத்துள்ள தயிர் எடை குறைப்பதற்கு ஏதுவாக இருக்கும் என்று தெரிகிறது.


*


6. பரிசோதனையில், உடல் பருமனாக இருந்தவர்களில் சிலர் ஒவ்வொரு நாளும் மூன்று வேளை குறைந்த கொழுப்பு சத்து கொண்ட தயிர் உட்கொண்டவர்களின் எடை 22% அளவுக்கு மேலும் குறைந்ததாகவும், ஆனால் உணவு கட்டுப்பாட்டுடன் இருந்த குழுவினர், அவர்கள் கலோரிகளை குறித்தும் மற்றும் கூடுதாலாக கால்சியத்தை தவிர்த்த குழுவினருக்கு எடை குறையாமலும் இருந்ததாக காணப்பட்டது. மேலும் அவர்கள் 81% அதிகமாக வயிற்றுப்பகுதி பருமனையும் இழந்தார்கள்.

*

7. உடலுக்கு குளிர்ச்சியைத் தருவதோடு மட்டும் அல்லாமல் நமக்கு, நல்ல ஜீரண சக்தியை தருகிர‌து.

*

8. பாலைதிரித்து உருவாக்கபடுவதுதான் பனீர்.(பனீரைதனியாக எடுத்த பிறகு இருக்கும் whey புரதச் சத்துமிக்கதாகவும், வாந்தியைநிறுத்த உதவுவதாகவும் இருக்கிறது.


*


9. மெனோபாஸ் பருவத்தை எட்டப்போகும் பெண்களுக்குதயிர் மிகவும் உபயோகமாகிறது. உடலுக்குத் தேவையானஅதிக கால்சியத்தை தயிர் வழங்குகிறது.


*


10. தயிரில் உள்ள புரோட்டீன், பாலில் உள்ள புரோட்டீனை விட சீக்கிரமாகவே ஜீரணமாகிவிடும். பாலை உட்கொண்ட ஒரு மணிநேரத்தில் 32 சதவீத பால் மட்டுமே ஜீரணப் பாதையில் செல்கிறது. ஆனால் தயிரோ 91 சதவீதம் ஜீரணமாகி விடும்.


*


11. பாலைத் தயிராக மாற்றும் பாக்டீரியா குடலில் உருவாகும் நோய் கிருமி பாக்டீரியாவின் வளர்ச்சியை தடுக்கிறது. த‌‌யி‌ரி‌ல் இரு‌க்கு‌ம் பா‌க்டீ‌ரியா ஜீரண சக்தியை அதிகரிக்கும் நன்மை செய்யும் பாக்டீரியாவை உருவாக்குகிறது.


*


12. சூரிய ஒளியில் பாதிக்கப்படும் நரம்புகளையும், தோல் பகுதிகளையும், தயிர் தனது ஆரோக்கியமான கலவைகளால் பாதுகாக்கிறது.பழச்சாறு உடலு‌க்கு‌த் தேவையான வைட்டமின் `சி'யை அளிக்கிறது.மலச்சிக்கல் மற்றும் வயிற்றுப்போக்கு போன்றவற்றிற்கும் தயிர்தான் சிறந்த மருந்து.


*


13. மஞ்சள் காமாலையால் சிலர் 'கோமா'வில் வீழ்ந்து விடும் ஆபத்து கூட இருக்கிறது. காரணம் அதிகமாக சுரக்கும் அமோனியா தான். இதைக் கூட தயிரின் உபயோகம் சரி செய்து விடும்

*


14. சில சமயம் மலம் கழித்த பிறகு சிலருக்கு மலக்குடலில் எரிச்சல் ஏற்படும். தயிரைக் கொண்டும் எலுமிச்சை சாறு கொண்டும் இதை எளிதில் குணப்படுத்தலாம்.

*

15. மலச்சிக்கல் மற்றும் வயிற்றுப்போக்கு போன்றவற்றிற்கும் தயிர்தான் சிறந்த மருந்து. உணவை ஜீரணிக்க தயிர் உதவுவதோடு மட்டுமல்லாமல் வயிற்றின் வாயுத்தொல்லையிலிருந்தும் விடுவிக்கிறது.


***


தயிரின் பயன்கள் மேலும் சில டிப்ஸ்:



1. தயிர் புளித்த தயிரை தலையில் தேய்த்த குளித்தால் தலைமுடி மிருதுவாகும்.
*
2. சருமம் பழபழக்க கடலைமாவுடன், தயிர் கலந்து முகத்துக்கு தடவவும்.
*
3. சிறு துண்டகளாக்கிய தேங்காயினை தயிரில் போட்டல் தயிர்சீக்கரம் புள்ளிக்காது.
*
4. மீன் கழுவியவாடை வந்தாலோ, அல்லதுமண்ணெண்ய் வாடை இருந்தாலோதயிர் போட்டு கைகளை கழுவவும்.
வெண்ணெய் காய்ச்சி இறக்கும் முன்னர் சிறிது தயிர் சேர்த்தால் நெய் வாசமாக இருக்கும்.

*
5. தினமும் சேகரிக்கும் பால் ஆடையை வாரத்தில் ஒரு நாள் இரவில் சிறிது தயிர் ஊற்றி உறைய வைத்து மறு நாள் காலை ஒரு சாதாரண சமையல் கரண்டியால் சுழற்றிக்கொண்டு இருந்தால் 5 நிமிடங்களில் வெண்ணெய் திரண்டு விடும்.
***

நன்றி விக்கிபீடியா.
***

இந்த வலைப்பதிவில் தேடு

தமிழில் எழுத உதவும் தூண்டில்

வானம் வசப்படும்

" முன்னேறு நண்பா முன்னேறு. நீ ஒவ்வொரு அடியும் ( கால் தடம் ) முன்னே எடுத்து வைக்கும் போது வெற்றி உன் வசப்படும் "